चार दिनको फरकमा दोस्रो एल क्लासिकोमा जित हासिल गरी बार्सिलोनाले स्पेनिस ला लिगाको शीर्ष स्थानमा १० अंकको स्पष्ट अग्रता बनाएको छ । बार्सिलोनाको जितमा इभान राकिटिकको गोल निर्णायक बन्यो तर यस नतिजाले रियल मड्रिडको ला लिगा उपाधि दौडमा पनि नराम्रो धक्का लागेको छ ।
सन्टियागो बर्नबाउमा खेलको २६औं मिनेटमा सेर्गी रोबर्टोसँगको उत्कृष्ट तालमेलपछि राइटिचले गोल गर्न सफल भएका थिए । करिम बेन्जेमा र रफायल भारान बराबरी गर्ने उत्कृष्ट अवसरमा चुकेपछि बार्सिलोनाले रियल मड्रिडविरुद्ध ४ दिनमा लगातार अवे जित निकालेको हो ।
ला लिगा अंक तालिकामा रियल मड्रिड तेस्रो स्थानमा छ । लिगमा १२ खेल बाँकी रहँदा शीर्ष स्थानको बार्सिलोनासँग १२ अंकले पछि छ । एट्लेटिको मड्रिड दोस्रो स्थानमा छ । आज रियल सोसिडाडसँग हुने खेलमा एट्लेटिकोले जित हासिल गरेमा पनि बार्सिलोनाको ७ अंकको अग्रता यथावत नै हुनेछ । यो जितले बार्सिलोना पछिल्लो पाँचमध्ये चौथो उपाधिको नजिक पुगेको छ ।
रियलविरुद्धको खेल सकिएपछि बार्सिलोनाका खेलाडीहरुको सेलिब्रेसनले पनि यो पुष्टि गरेको छ । २६ खेलमा बार्सिलोनाको यो १८ औं जित हो । खतरनाक टिमहरुलाई रोक्दै यो नतिजा निस्किएको हो । गएको सिजन बार्सिलोनाले १४ अंकको अन्तरका साथ लिग जितेको थियो । बुधबार कोपा डेल रे मा रियललाई पारेको अर्नेस्टो भाल्भर्डेको टिम बार्सिलोनाले आफ्ना सबैभन्दा मूख्य प्रतिद्वन्दीलाई अधिक कठिन अवस्थामा पुर्याएको छ ।
मैदानमा पनि बार्सिलोनाले आफ्नो क्लासिकल प्रदर्शन गर्न सफल भयो । क्रोएसियाली मिडफिल्डर इभान राकिटिचले सर्जियो रामोसलाई पछि पारी गोलरक्षक थियावट कोर्टवालाई झुक्याए । कोर्टवाले मेसी र लुइस स्वारेजको सानदार प्रहारहरु बचाएका थिए । रक्षा क्षेत्रमा जेरार्ड पिक्यु र क्लेमेन्ट लेंगलेट सानदार देखिए । जसका कारण पछिल्लो ६ मध्ये ५ खेलमा बार्सिलोनाले गोल खाएको छैन ।
Comments
Post a Comment